部落格

唔講唔覺，大家已經一年無見。早早收工，但就遲遲唔見人🤷🏻‍♂️ 吹吹下水忽然驚覺7點半，唔等啦，食住外賣開枝白暖下場先。

1.Chateau de Saint Cosme – Micro-Cosme Blanc Sauvignon-Viognier 2022 香氣豐足，青蘋果、柚子、白花加DD蜜糖隱透其中，酸度足而唔會太刺激，尾韻就短D啦，呢D簡單討喜野，男女老幼都可以愉快飲，gdgd啦。 拎黎酒友共享原因在於係少見既S.B 溝viognier，清新得黎少左陣(我唔鍾意)既番石榴味，多左D花香，酸度略略低返D，無純S.B.咁刺激，正呀。

2.Cune – Virgen del Galir “ Valdeorras “ Godello 2023 一句講晒就係咸柑桔。其實就時間太短，俾少少時間佢開展又係另一番風味。 西班牙白，Godello Grape 我都係試過三幾次，有趣野就梗係要同酒友分享。

3.Champagne Louise Brison – a l’Aube de la Côte des Bar Extra Brut Millesime 2016

我知”正常程序”就飲檳先既，但香檳就梗係要等香檳達人到場先一齊飲啦，要睇下佢開場同air左既分別架嘛。 一開瓶好鬼蘋果、開心果加D酵姆咁，酸度係好高既，貼近既比譽，蘋果醋都確係適合既。 睇見大家既神色加comment，心真係有DD難過，年份野加60個月以上陳年，咁既價位，加之早幾日先飲完，真係誠意推介，好東西就是要分享，但好似唔係好得大家歡心，sad。 無奶油，倒佢落”大師杯”，立即2個世界，其實初飲都唔係差，大家覺得佢酸，但我個人黎講，香檳既認知就係咁酸丫嘛，好接受到喎。放落”大師杯” ，果D香氣立體晒，一層一層咁飄送出黎，非常享受。呢枝有留底，尾round 試多一口，熟蘋果加D nutty 酵母，由開初清新到宜家陳熟既感覺，成個轉化係幾迷人。

4.Frank Cornelissen – Munjebel FM Rosso Terre Siciliane IGT 2018 呢枝就攪鬼囉，唔講酒友以為我玩鬼佢地。 聽個電話返黎，又聽到”natural Wine ” ，又話咩經過馬場果陣”X”味，又咩洗腳水咁。 哼，無錯，全部都無講錯，同我第一次見識佢時諗既一模一樣，確係大家形容既加返D陳皮味咁囉。但如果我係純粹飲悶就劍走偏峰咁就太對唔住各位酒友啦，枝酒既神奇之處係會不斷變化，即使有人以”似老bur” 去形容佢，個body 都係出乎意料地輕，但佢承載既香又係出奇地多，從開初果D難以理解既”怪”味到後來出返少少紅果、橙、herbs、再有D茶又有D earthy 有D Ash，應該吸引資深飲家既。 配搭之士，果陣有人形容做洗腳水既味加芝士果陣徐係非常夾，加之軟芝士個口感好Creamy真係好正。 介紹返，佢品種係比較少見D既Nerello Mascalese .

5.Chateau Montrose – Tertio de Montrose 2017

好似無乜需要講，好classic bordeaux . 紫羅蘭、石墨、雪松、黑加倫子等香氣，好平穩，好舒服。 入口就係典雅，有骨幹，成個character 好出，好美味。 3牌都贏好多正莊。

6.Clos Du Val – Napa Valley SLD Hirondelle Vineyard Cabernet Franc 2018 最早開，又壓軸咁梗猛料。

黑果加cedar vanilla .濃郁、滑溜。 點解猛料都無多幾句形容，因為我淨係倒左一口試下佢開左未， 然後大家都話佢呢D 係好，咁就只係好囉，無特別，金錢的味道。 係我翻飲頭一round試下有無咩變化之後，再拎起個樽，就真係得返個樽= =”。

“喂呀，大佬你唔好咁痴線。” 你地之前講到無特別架喎，點解一轉眼無晒架呢??????? 呢枝野我真係預左佢rich , smooth ,有深度有變化，坐低慢慢嘆既，結果就只係輕輕果一口?

1.Ben Nevis 27 Years Delias Christmas Series 2024 53.3% 一落杯果下最出係梨、香蕉非常討喜誘人，深吸一口，沁入心肺，不得了。

尾韻果陣唔識完，花香隱藏其中既木香真係舒服到昇天。

2.Kilkerran 17 Year Old 2007/024 Single Cask 2024 20th Anniversary 54.8% 雲呢拿、輕泥煤煙燻、威化、特濃咖啡、拖肥、黑朱古力等香氣複雜迷人。 入口卻有點可惜，沒法承繼聞香時那種複雜深厚，相對聞香時有點失衝。 不知道開瓶後隔些日子會不會發展得更完美 ? 呢場聚會小弟係樂在其中，好多唔同既酒款，而唔同溫度唔同酒杯再加埋air前後又有唔同表現。對於不同既酒，有人鍾意有人唔鍾意。有酒講到好神但飲得好慢，有酒講到好普通但又光速飲晒。好多既碰撞，好豐富既交流。雖然我係wine industry,照理我比較熟wine 一D，但比起介紹酒，我更鍾意呢種”探索”，大家係同一枝酒搵到相同又搵到不同，真係好有趣。 講起原來我地已經成年無聚，希望黎緊可以多見大家幾回， 真係今日唔知聽日事，今朝有酒今朝醉啦，Cheers ~

身子弱，要休養調理下，正所謂「休養都要唞下氣」，有機會都要飲返2杯。 又去到大師兄家中作客，打開酒櫃任揀~ 炎炎夏日，梗係黎枝白開場先啦。 隨手一拎就係大師兄favorite 之一，咁隨手都中就係「整L定」(九龍城寨龍捲風口吻)啦。

1.Château LaTour-Martillac Blanc 2018 番石榴、桃、波蘿、些許檸檬，混搭點棉花糖和oak香。 入口酸度充足，尾韻是那綿綿的棉花糖混和著木香與丁點煙燻。 很不錯了，有點可惜的是中間隱透了一點酒精感，破壞了那夢幻的感覺。 而口感再圓潤一點則更合我心。 2.Le Saint-Estephe de Montrose 2015 誰會對三軍酒有期望呢?也許正是期望不高反而喜出望外。 那澎湃的玫瑰花香，加點櫻桃、雪松、石墨和雲呢拿香。 輕柔的口感，充足的酸度，和那石墨口香帶來的骨幹感。

餘韻渺漫。三軍竟然如此迷人，帶點年紀的列級波爾多確實名副其實。

既然開櫃任揀，點會少得我最鍾意既Barolo / Barbaresco呢。

3.The Vinum, Barbaresco, 2009 香氣頗為封閉，甘草香主導，帶點櫻桃香。

香氣偏弱，口感卻挽回不少分數， 入口輕滑如水(並不是指味道淡薄，而是舒適至零負擔的感覺)， 尾韻細長。雖然一反Barbaresco的複雜深沉， 但此酒讓人一口追著一口，自有其獨特的吸引力。

4.Chateau Gruaud Larose 2010 深沉的黑果香，濃縮咖啡、皮革，加上Signature 土地味。 酒體飽滿、口感圓潤，濃鬱深沉，酒液中滿滿是蓄勢待發的深厚力量。 餘韻悠長、平衡且優雅。不錯，著實不錯。

5.Vereinigte Hospitien Scharzhofberger Riesling Trockenbeerenauslese 2010 哈哈，哈哈哈。 大師兄唔提我都真係無左件事，早前大師兄話想要試試德國白，極難得有枝TBA就寄存係大師兄家中，待酒聚有緣人一同品嚐吧。呵，有緣有緣。 極濃郁的杏脯、蜜餞、蜂蜜、提子乾香氣。 那配搭著精巧酸度的一口甜蜜，整個人酸甜酸甜的，實是心花怒放。 飯後來一口可以昇天，正!! 聊聊天，喝喝酒，聽聽音樂， 晚上圍爐「漫畫想當年」，找回「當下」的生活感。 感恩。 酒重要，酒腳更重要。 Cheers ~

要辦人生大事，期間穿插大病多場，令我地一月一聚推左好幾個月， 終於，一齊賀年開心沖喜下~

開心場合，一定要有檳，黎， Pop ~

1.Boizel blanc de noirs 1er cru la montagne nv

香梨主導，混搭些許蘋果香氣。口香多了點杏仁和烤麵包。

酸度高。睇起上黎好似無乜特別，個人特愛它的「純淨」，好pure 好true ，good good 。 緊接就梗係白啦。

2.Domaine Chevalier – Ladoix 1er Cru Les Grechons Blanc 2020

燧石和奶油香突出，底下層層疊疊的一堆水果如蘋果、檸檬、

桃和蜜瓜。口感圓潤，酸度中等。淡淡的燧石、奶油與些微一點甜味餘韻、持久不散。

很好。複雜得黎唔heavy，純飲都夠滿足。

到紅勒，多位資深飲家一致讚好，真係有期待。

3.Château Les Carmes Haut-Brion 2019

呢款酒應該點描述呢?紫羅蘭和其他不同花香，紅黑色水果盤，

還有皮革、煙草和herbs，應有盡有，層層疊疊的，和諧的。

酒體中等而絲滑，入口非常的優雅，有如舞者輕柔漫舞，

踏步轉旋，帶出陣陣香氣，與她對望，挑釁的眼神充滿自信，甚至近乎睥睨。

非常誘引。收尾一刻還能炸出一下「鮮嫩多汁」的感覺才淡然退場，滿足。 輕柔過後來過豐膄迷人大反差。

4.Mollydooker Enchanted Path 2021

濃郁的黑色水果盤，加上黑朱古力、雲呢拿、奶油和胡椒香氣。

厚身，滑溜。整個口感是豐富的，充滿力量的。 去到咁豐厚已經返唔到轉頭，黎多枝重炮先。

5.Argiano Solengo 2018

成熟的黑色水果主導，混和著皮革、雲呢拿、石墨和乾草等香氣。

厚身，酸度與單寧充足，豐富而滑溜，結構良好，尾韻悠長。 今晚除左香檳係感覺單一純淨，好似係炎夏食一啖鮮梨咁fresh之外，

其餘每枝都咁豐富滿足，真係有D「爆」。 不過新年，係咁架啦，豐衣足食! 未完， 威都未出場，黎，上酒~ 1.Glenallachie 15 Year Old Single Malt Whisky Barrel：Pedro Ximénez and Oloroso sherry and hogsheads casks

Alcohol : 46%vol

葡萄乾、朱古力、核桃、無花果、香料和mocha香氣。 層次豐富活潑。我自己覺得無甚驚喜之處，但就是四平八穩， 任何場合都「包無死」既家中長備酒款。

2.Blanton‘s Gold Edition Bourbon Whiskey

深色水果、oak、焦糖、蜂蜜。

口香加了點toffee、smoky、 vanilla、 spices等。

口感圓潤，餘韻悠長。

呢類甜美系，而且表現力豐富既，對我呢D初入威士忌門既酒友係非常對胃口，哈。 今晚好開心，又見到幾位新朋友。 新一年，新朋友舊友聚首，愈飲愈有。 Cheers ~

「休息是為了走更遠的路。」，養生小休是為了喝更多的酒， 「久休復出」，到大師兄家中作客來個小放縱(姣婆守唔到寡?嘿!)。

凍左幾日氣溫又回升，黎枝香檳爽下先啦。 1.Gruet Cuvée des 3 Blancs Brut Champagne N.V. 罕見的品種組合。50% Arbane, 25% Chardonnay and 25% Pinot Blanc. 花香盛，青蘋果和梨的清新香氣。整體頗為清爽。 是不錯，只是以香檳的複雜製程，我還是期待較深邃的酒款，

單純追求清爽，實在不需付「香檳價」。

2.Le Clos des Grives Musicienne 2018

這款酒就十分有趣了，老實說，小弟也是初嚐JAURA產區，實在不知道該期待什麼。

開初聞香是「sherry+bubblegum」主導(酒友們並沒有此感受,well,我感受多一層我賺左)，加上梨、檸檬和一些礦物與焦糖。

中等酒體，入口似有若無，像忽然「空白」了一般，只留下酸度，餘韻卻是滿滿的礦物感。一個小時候我才終於感受到酒友們說的「電油」味，沒有陳熟Riesling的電油那麼「啃」，量多也持久，只是強度不是去到濃烈的程度，微微滲透著，蠻不錯的。

猜想配殼類(聖子/鮑魚?)海產應該非常適合?

初嚐Jaura區，那有資格品評什麼，個人來說覺得此酒十分吸引，世界很大，大家就不要瘋追Burgundy了(不要再抬高酒價啦!!!!)，多嚐世界各地的好東西吧。

唔覺唔覺已經到左晚飯時刻，一邊沙bu沙bu，一邊品嚐今晚既主角。

Château Dauzac 2014 / 2015 2014，黑加倫子、李子、黑莓、forestfloor夾雜著一點青味。

酸度足，餘韻中長。整體頗為優雅狡黠，甚為討喜。 2015。也是顯著的黑果，不同的是在底層輕柔地襯托著的雲呢拿香，讓整個香氣討喜程度翻了一倍。厚身，柔滑，餘韻亦長。整體十分和諧舒適。

2014是不錯，但2015著實更為出色，少了些草青，

不論酸度、酒體、餘韻都比2014高了一級。

翻查了一下bordeaux weather report,

2014年7,8月是比較冷與陰暗潮濕，而2015整年都很熱，9,10月則比較涼但陽光充足，

剛好讓葡萄有時間健康地成熟，冷涼的夜晚又可以保持酸度與香氣。

雖然天氣在每個產區都會有細微差別，但大底看來也蠻乎合理論。 既試到新產區，又溫故知新，此行不虛。

煩事壓心頭，樂亦未能盡興，期待下回與酒友來一場更瘋狂的飲宴，

正所謂，世上無事係一杯酒解決唔到，如果有，就飲夠兩杯啦。

cheers ~

開波梗係香檳浪下口先啦 ~

Pierre Baillette Coeur de Craie Blanc de Noirs Extra Brut Champagne Grand Cru ‘Verzenay’ 表現非常奇怪。香氣有點青蘋果、酸梅、些許酵母。酸度不高，氣泡缺缺。 當白酒喝還算舒適、簡單輕鬆款。作為香檳就實在不合格了。

Domaine Chevalier – Bourgogne Aligote 2019 熟梨、蜜糖、杏仁和礦物香。

入口帶些微的甜感。酒體偏厚，輕微蠟質的圓潤口感，酸度舒適。 餘韻中長，帶蜜棗、nutty和礦物。 整體平衡優雅，還不錯。 朋友話呢枝既香氣綜合起黎就係雪梨雪耳南北杏湯。 Er…….em………. 又好似……..好貼切喎，哈哈哈哈哈.

Terralsole Brunello di Montalcino 2012 Bottle

air左4個鐘。濃郁的黑加倫子，茄汁、皮革、黑朱古力， 隱透點煙絲、雲尼拿香。口感柔和，單寧圓熟，中高的酸度。頗為Juicy。 尾韻帶點甘草。結構平實。整體不錯，惜尾段還是被15%的酒精打破了那份嬌柔。 朋友認為它平淡，我卻認為它是嬌豔欲滴，欲拒還迎，喝了就停不下來。 獨飲細品，屬於一個人的恬靜。

2011 The Ultimate Edradour 9 Year Old Single Malt Scotch Whisky 58.8% Cask No.253 威杯都打爛晒，(其實wine glass都爛晒，都係新買去，到底朋友平時係飲酒劈友0.0) 無奈用住體形較細小既香檳杯頂住先。 焦糖、蜜糖、拖肥和黑朱古力，Sherry反倒是退到背後襯托著。

入口一刻就像炮仗在口中炸開，非常辛口。

風味蜂湧而出。有點年資的酒友應該會很喜歡吧。

(對我的新手朋友就有點吃力了，哈哈哈哈哈)

____________________________

很久沒見，轉眼三年，還真的彷如隔世。 有時候，沉默道盡了一切。 朋友胖了，朋友長了點白髮，朋友多了點愁緒。 朋友，離開香港了。 “時間只有 這麼多 叫安歌 會否比較傻 臨尾跟你 再拖拖 叫安歌 門未鎖 無法相見 更加多 藉安歌 刻意蹉跎 真慶幸我 被你珍惜過” 世界變了樣，沒人知道明天會怎樣。 今朝有酒今朝醉，明日愁來明日愁。 喝吧，朋友 !

蘇日一戰，標題是事後寫的，只是回想起今晚品酒的過程， 發現前段都是蘇威，後來的是日威，來嘩眾取寵一下。

Ben Nevis 10YO 朋友說，這枝10YO 是酒廠非常少量OB的其中一款。 香氣濃郁複雜，奶油、蛋糕、梨、焦糖和橡木香。 入口圓潤，感覺有著一層蠟質包覆，酒液滑過舌面後部時， 感覺就如一個水袋炸開，從很圓潤變出一點刺激，有點蜂蜜，麥芽糖和朱古力味。 tobacco 和 dack chocolate 的中長餘韻。 很不錯啊~

Glenallachie 10 yo 2021 Cask Strength Batch 6 57.8% 香氣複雜，雪梨、咖啡、dark chocolate、蜂蜜、提子乾等香氣。 入口油脂豐厚，少見的帶明顯酸感，dark chocolate 、提子乾、酸梅、成熟水果、杏仁的口香。尾段口感仍然濃稠，nutty、tobacco、dark chocolate和帶胡椒、辛香料的刺激感。 餘韻頗長。非常不錯。 嚐了幾口，每口變化不同，非常棒。

Springbank 12 Cask Strength Batch 16 toffee 、蛋糕、海鹽、桃、香蕉和、蘋果和輕輕的peat。 口感溫暖略帶咸味，蜜糖、黃色水果、皮。 餘韻長，帶辛辣感，麥香極香，感覺如像站在麥田看著大麥隨風搖擺一般。 同樣的，每口都有變化，同樣都是出色的。

小正嘉之助 Single Malt Kanosuke Distiller’s Choice 2022 蒸餾於2017年12月，熟成於桶號為17011的雪莉桶（Sherry Puncheon Cask），裝瓶於2022年03月，酒齡為4年零4個月，酒精度數為58% ABV，容量為700ml，裝瓶數為583瓶。 又雪莉又單桶又限量，仲要同香港代理合作，外在既資訊真係引死人。 嘩，一試難忘，濃烈既燒炮仗 + 酸梅湯味，兩種奇異既極端撞埋一齊，或者只有榴櫣溝臭豆腐可以媲美 ? 聽完價錢之後我沉默了。

被嘉之助折磨後，喝上厚岸大寒2022，感覺還好， 輕輕的泥煤，些許朱古力，口感輕柔，末段是淡淡的泥煤， 但口感上也輕薄如水了，且餘韻略短。 這是真實感受，因為我喝的時候並不知道它是厚岸。 天啊! 略略記得第一枝厚岸是 輕泥煤(煙燻焦木)，云呢拿和一點果甜， 入口溫暖圓潤，末段一點麥香，收結是輕淡泥煤伴帶點辛辣感的長餘韻。 後來的一款，餘韻更像是不會消失的持久。 大寒是怎麼了，在我來說，以往也絕對over price ，這款則不得不說髒話了， 酒友不是水魚，匠心去那了? 無心造就的”蘇日”大戰，結果這晚日威完敗。 前段年輕的蘇威風采萬千，且是物美價廉， 夆勸各位酒友，不要盲目追求高年份，年輕還是比較有個性。 更不需跟風追日，選對自己的口味就是最好。 Cheers~

辛苦完一輪，黎個超Casual聚會。

啤酒配雞翼，係咪好合理先~? 開場就迎合主題，Casual ~ 唔係專家，但感覺用左部機，泡沬當然多左，厚左。 黏係個嘴度果陣好似係棉花糖入面咁鬆軟鬆軟， 酒又滑D咁 ~ 有趣喎

Domaine Sigalas Assyrtiko Monemvasia 2019 來自希臘既白酒。

咦，入口都驚喜架喎。 檸檬、青檸、梨、桃、蜜糖，奶油，雲呢拿和礦物香， 要果有果要木有木，混和得頗為舒適。 酸度頗高，然而不會太刺激，尾尾帶辛辣感與橡木香的長收結。 著實不錯，惜持久力不足，約莫個半小時已經變成木桶水。

白酒配芝士一定得咩? no no no,呢款配白，完全無變得creamy， 亦帶唔出芝士香。反而配七味粉雞翼係中規中舉， 稍為提升左雞肉香，而尾尾果陣辛辣感亦相合。 ok ok 。

Mihope Enjoy Syrah Dry Red 2019 黎自中國，酒莊係，葡萄都係。 咪偏見住，中國既wine已非當年，確係有質素而值得期待既。 一輪Dark fruit 加上咖啡與雲呢拿香。香氣不算驚喜。 奇特是口感輕柔，尾韻是很愉悅的木桶且半點沒有辛辣感。

整體是優雅的，平和，深邃。 才十年的酒莊，是值得期待的。

來自希臘既紅。 老實說，是不討我歡心的。 開初很濃列的濕木味。帶著草本、紫羅蘭、紅果和菇菌香。 口感是有趣的，輕柔的，但酒液滑過舌面後，單寧卻會出來替你抓癢。 沒有喝過這產區的酒，不應妄下評論，還需日後再多多嚐試。 Wine既Section到此為止。之後係清酒同牛腸鍋既section。

清酒已經俾返晒老師，只係記得好純粹既梨香同米香。 略略有點甜，圓潤舒適。 牛腸鍋出場既時候小弟已經要走啦，

結果……..走先喇由6點講到7點半，飲多左款清酒 + 輕輕試左傳說中既牛腸鍋。 試完之後心入面真係暗自慶幸留低左。實在要講句，ichiban 架呢~ 味濃得黎唔”臭”唔俗，係掂架喎 !

美酒配佳餚，

事前既準備同事後既清潔都係好費功夫既， 非常感謝呢位酒友組織呢個聚會。

酒會最重要係咩?係酒伴呀!! 一班真心欣賞，放低成見去發掘去探索既人係好好玩既， 過左一個非常愉快既一日，感恩。

人未齊，先來輕鬆一下。

楯の川 子宝 庄内の和梨 – 酒精度8% 柔潤舒服的很，甜卻沒有一點”立”感。 尾韻一陣清新李香，沒什酒精感， 對不好酒精的朋友，是非常好的選擇。

楯の川 子宝 大吟醸 梅酒 濁酒 – 酒精度11% 用了日本高級熟成南高梅，加入山形縣著名酒藏-楯野川的大吟釀釀造。 味道濃郁，酸度很高，一口醒神。 配酸梅醬沾燒鴨也許很相合?

Kinkei スパークリング・白・辛口 淺檸檬色，豐富的油桃香，酵母伴隨。 口感Dry，酸度中等。清爽簡單的酒款。 倒是尾韻回甘有點喝完啤酒的舒爽感。

Takahata Winery Takahata Brewing Rose

紅果香氣，微甜 ，酸度充足，簡單清爽的類型。 配甜度不太高的食物應該不錯，現場配了甜麵包， 酒的甜與麵包的甜浪接浪，緊接著悠悠一陣muffin香，還不錯。

典型Muscat Bailey A 的香氣，Gamey 、 Rose 、糖果。但是沒有很突出，是相對融和的。 個人還是沒法應對這種組合~_~，略帶3分Beaujolais Cru 的影子。結果用來配Sashimi red fish很是出色，燒過的更好。獨飲有其特色，配和食則容易帶來昇華的幸福感。

Takahata Majestique l’Ogre Bleu 用到international grape 也就是international grape的感覺，黑加倫子、紫蘿蘭、櫻桃，帶點雲呢拿。酸度充足，整體也平衡，但就沒有什麼特色了。

最愛既小姬，就係一枝檸蜜，酸酸甜甜又FRESH , Ichiban 架呢~ 配CHEESE 變得CREAMY 討眾人歡喜係必然架啦， 但係配甜麵包，先有酒既甜，再有麵包既甜係底下襯托住，沾左蜜糖勁FRESH既檸檬蛋糕係個口度，尾尾係濃烈既muffin香味。好正呀~

麝香葡萄、蜂蜜和很強烈的蜜瓜香氣。甜度高，酸度足，讓酒不會過於甜膩。 配上芝士蛋糕，完全把蜜瓜的香溶入蛋糕內，而酒液引出芝士蛋糕的焦糖與蛋香。 在口中散發出強烈的幸福感。

隔左4個月，終於排到我，再去酒友家黎個探索日本酒之旅。 32度高溫，行出去就出水既日子，先黎涼爽既氣泡係好合理既。

高畠 yoshi Chardonnay Sparkling 些許梨、mineral香氣，酸度平平，溫體亦輕， 個人覺得比較neutral的一款酒，酒友說「他」表現失常，暫且不論。

如當作welcome drink，特別係三十幾度既香港夏天，倒是頗為悏意，

猶其我地中段配了點牛油麵包，酒液輕柔，酒香微微伴著， 消去牛油過於濃烈的氣味和油膩感，散發著薄薄的牛油香，非常偷悅。

小姫さん (我對佢零認識既葡萄品種 : Delaware) 集中的蜜糖、熟的桃和芒果香，加上點點礦物。 酒身和酸度中等，口感順滑，帶礦物與nutty的尾韻。 不錯不錯。上一次已經洗去對日本wine的壞印象，以為是文化使然，配搭食物才感受到日本wine的驚人威力。殊不知這回白酒之旅，純飲也覺美味。 與芝士合襯變得creamy是「理所當然」，從這酒的尾韻猜想，配nuts合襯也可以預期。 配ham簡直是去油解膩，先來點honey + 肉鮮甜，然後淡淡肉香，回味回味。

小姬 (同樣係我對佢零認識既葡萄品種 : Delaware) 這個是上一款的過木桶版，香氣口感幾乎一致，獨多了點木與烘烤香氣。 也是非常不錯的酒款，而配搭出色的食物則變成牛肉， 酒液滑過舌面後，隨之而來的是微微的烘烤香，然後回到牛肉味，「味吉陽一」又出場啦 !!

高畠Takahata L’or (品種 Chardonnay) 接連三款酒後也是「醉」了，開始有點迷糊 隱約記得是citrus fruit帶點木香，口感smooth的。著眼點是那長到痴線的餘韻。 宜家先明白，之前睇到大師既tasting note 「persistent finish」所指係乜野。

唔單單係長，而係完全「黏」係口唔散既感覺，如同飲茶既所謂齒頰留香。

而另一個有趣點係開瓶45分鐘後傳出陣陣米飯香。

(雖然酒友係擺到一枱都係野食，但絕對無煮飯。)

楼水 wine (葡萄品種:甲州) 一聽酒友說這瓶的品種是「甲州」，實在心感不妙。 通常是香氣滿滿，入口輕輕，餘韻的苦不是我杯茶。 但又再一次出乎我所料，「他」竟然是甜的。 我常說，我的是小朋友口，嗜甜。 甜酒，當然受落。 一陣花香和吹波膠的香氣。 偏厚的酒體，頗為圓潤。medium sweet，惜酸度缺缺，多喝兩口會膩。 驚艷的是配甜蛋，先是酒的香甜，甜蛋的甜隨後而至，層層疊疊昇華上去， 幸福感也跟著提升。

再來……再來已經睡著了，不知道什麼時候多了瓶清酒，也不知道什麼時候喝完了一瓶清酒XD

本來還有日本的紅酒，惜小弟酒量太淺，沒能喝到最後， 只能喝了個「白酒之旅」，郤沒半點遺憾。 food pairing 能達到「昇華」境界的幸福感，一晚一回都已經讓人心滿意足， 每款酒都配出一個幸福來也實在太夢幻(小弟不吃生不吃魚，未能和酒友一起品嚐配搭壽司的樂趣，聽他們說配饅魚壽司的感覺，「我感覺到饅魚在口裏游動。」，不管你信不信，反正我是信了XD

這回的日本wine之旅又開啟了眼界，

1.原來不一定配搭食物，純飲也有高質能入口的，只是要自己多探索。

2.一般來說，酒的感覺都很Clean、smooth，也很「和諧」， 而這次的白酒，沒有那常見於西方白酒那帶苦的味韻，讓人感覺更「寧靜和諧」。

3.配搭食物的能力確是出類拔萃，配搭多種食物都能帶來昇華的幸福感。 「他們」最神奇的地方是那種把自身酒液隱退成了背景的能力，也不會「迷失自我」，柔和的襯托著食物的鮮味。

葡萄酒一向都是西方主導， 但承如所有大師所說，酒好不好，只有自己能夠感受， 點樣systematic去學習一套理論，只係為左方便溝通， 並不是我們感觀的規限。

世界很大，酒海無涯。 放開胸懷，多多品味世界的風味吧， Cheers ~

窮忙了一段日子，很久沒有喝酒了。 很突然的邀約，很幸運的酒友有空， 突而其來的走了一個完美旅程。

Kilkerran 12yo 微微的水果香，加上蜜糖、OAK、云呢拿等甜美香氣。 入口很是輕柔舒適，溫暖圓潤，是適合所有人的酒款。

SMWS 48.100 (Balmenach 10-year-old) 落杯一刻香氣不甚討喜，酒友一面愁容，心感不妙。從瓶口透出來的香氣就是芒果跌打酒。整體如何，總得要入口才能評價。噢，口感是完全另一回事，溫暖圓潤，酒液慢慢沉下去逐漸消失，整個口腔是黃色水果和雪芳蛋糕的香氣，緊接而來的是一浪Spicy的感覺，真的確切感到一陣”麻痺”感，有趣有趣。

(稍待過三五分鐘，開瓶一刻的芒果跌打酒感覺散去了，回復正常的黃果、蛋糕香)

SMWS 66.121 Ardmore 11-year-old 爆谷，牛油，帶點煙燻。入口…….實在無力細品。 有些酒款是很有衝擊力，很爆炸性的，

但這一款的衝擊力/爆爆炸性實在很不平衡，亂爆一通像槍戰現場， 直放棄了。

Signatory Vintage clynelish 09.03.1989 13yo 聞香一刻實在令人懷疑人生。怎麼聞都是一杯菊蜜。 真的有搖杯看有沒有酒精帶來的酒淚hahahaaaa 喝下去是有酒精感的，你以為Kilkerran 12yo已經夠輕柔， 實在一山還有一山高。 誰說威士忌就是”烈酒”，就是猛烈，刺激? 酒海無涯，真的每回都有新驚喜。

Clynelish 15 Year Old 1998 (casks 17064 & 17065) – Cask Strength (Gordon & MacPhail) 喝到最後有點趕，哈” 已經忘了，但整體是四平八穩，很Classic很intense的酒。

The Whisky Agency Clynelish 199-62014 18 Refill hogshead

糖果、檸檬，一些蠟和碘的氣味。

入口很圓潤，深厚的感覺。

餘韻是長長的Oak。

很典雅。

跟酒友說起，其實他都是比較喜歡酒齡淺的，可以感受到不同風味，

高年份酒木的影響比較重，木味有點Over，就算不同酒廠，風格也趨向一致了，

醇是醇的，但少了點趣味。 喝威，真的不要”高”追。

為什麼說這是一個完美旅程呢，是因為開初的經歷是輕柔，多種變化，有活力的。

到中段的”戰場”帶來一種”混亂，一種爭扎的感覺，再來就是經過淬練，開始成熟穩定，

也許有點平凡，看似簡單，但一切都有了深度。最後最後的，同樣是四平八穩的經典，

但開始收放自如，有點變化，但不會太Over，最後那長長的帶Oak餘韻，是一種非常平靜的享受。