分類: 讀懂酒標

今次講既係Côtes du Rhône(隆河谷產區) ，唔多飲wine既港人應該唔識佢。 之但係，佢係法國第二大產區，亦都係法國第一個行AOC分級制度既產區。 唔識Côtes du Rhône都可能聽過Chateauneuf Du Pape (教皇新堡)，又名十三太堡， 唯一一個可以使用最多13種法定葡萄混釀的酒款。

隆河谷分為南北，北隆河氣溫涼爽，南隆河氣候相對炎熱。 隆河谷產區範圍廣大，占有隆河大半產量，釀造風格大多是混合品種， 以Grenache、Syrah、Mourvèdre三種為主，釀出的酒帶有豐郁成熟的果味，熱情洋溢。 因為這三種葡萄搭配平衡出色，其他產區也開始複製這樣的釀酒方式， 於是有了Grenache-Syrah-Mourvèdre (GSM) 隆河風格的酒出現。

輕輕知道了隆河谷產區後，回說分級制跟酒標吧。

隆河區法定產區都係分三級

1.Cotes Du Rhone 地區級 紅酒或粉紅酒，Grenache最少使用40%(使用單一品種Syrah的北隆除外)， 酒精度不得低於11%。

有163個村莊是這個級數，佔了整個產區7成以上產量。

2.Cotes du Rhone Villages Grenache 佔有的比例最少50%，Syrah 或/及Mourvedre比例也必須超過20%，其他法定品種不可超過20%。

有95個村莊是這個級數，其中18個還可以在酒標上加上村莊名。

加左村莊名的村莊級酒 Cotes du Rhone Village Seguret

最高級 3.Cru des Cotes du Rhone特級村莊 自然條件最好的獨立村莊，有鮮明特色和個性。

有16個獨立村莊。

羅第丘（Côte-Rôtie）、恭得里奧（Condrieu）、格里業堡（Château-Grillet）、聖喬瑟夫（Saint Joseph）、克羅茲–艾米達吉（Crozes-Hermitage）、艾米達吉（Hermitage）、高納斯（Cornas）、聖佩雷（Saint-Péray）、凡索伯（Vinsobres）、哈斯多（Rasteau）、吉恭達斯（Gigondas）、瓦給哈斯（Vacqueyras）、威尼斯–彭姆（Beaumes de Venise）、教皇新堡（Châteauneuf-du-Pape）、里哈克（Lirac）以及塔維勒（Tavel）。

例如最著名的 :

南隆 教皇新堡Chateauneuf‐du‐Pape

北隆 艾米達吉Hermitage

隆河產區跨越法國六個省分，酒款風格多變， 價錢相較Bordeaux / Burgundy 親民， 初入門更加係值得多多留意~ Cheers~

講起法國既酒，唔係波爾多就係Burgundy啦 氣泡就一定係香檳啦，咁就講下香檳啦。 香檳(Champagne)，係葡萄酒既世界有2個意思。 一個係指產區。 另一個係指用特定方法釀制，必需係香檳區釀製既氣泡酒。 呢度想講只係睇LABEL果部份，香檳既特別 – 留待氣泡酒釀製方法度講啦。

香檳是法國唯一一個沒有次產區的產區，而香檳區既緯度係北緯49-49.5度， 氣溫已經係適合種植葡萄既邊緣，太寒冷既天氣，葡萄質素難免不穩定。 為了保持一致的風格，香檳會混合不同年份及不同莊園種植的葡萄釀造。 所以很多時在酒標上見到的NV，即係 Non Vintage，混合了不同年份的葡萄。 酒商大多是收購當地葡萄農的葡萄來釀製香檳的， 所以香檳區的分級制反映的也是葡萄園而不是酒莊。 級數分三級，普通的、一級園(Premier Cru)、特級園(Grand Cru)

黎睇下LABEL~ Premier Cru (一級莊園)

最高級的Grand Cru(特級莊園)。

酒標上的Brut 又是什麼意思呢? 那個是指甜度 :

Brut Nature  = 自然干 = 0-3g / L RS

Extra Brut  = 超天然干 = 0-6g / L RS

Brut  = 天然干 = 0-12g / L RS (基本從這級數已經嚐不到甜味)

Extra Dry = 微干 = 12-17g / L RS

Sec = 干型  =  17-32g / L RS

Demi-Sec =  半干型 = 32-50g / L RS(很清晰地感覺得出甜味了) Doux = 甜型 = 50g / L RS

之前話為了保持一致的風格，香檳通常都係混合不同年份、莊園的葡萄釀製， 但遇上氣候與收成特佳、葡萄品質極好的時候， 就有可能釀製特別的年份香檳， 以反映該好年份的特質。 Vintage Champagne

Vintage 2006 就是指用2006年採收的葡萄釀製的。 雖然乜CUR物CUR都係反映葡萄質素既，但成品係點，口味夾唔夾你又真係無人知。 但識睇LABEL，最起碼都知佢甜唔甜丫~ Cheers

講完波爾多（Bordeaux ）就梗係到布根地（Burgundy/Bourgogne) 啦。 係Burgundy既乜Cru物Cru，指既係葡葡園，而唔係酒莊。 歷史因素，Burgundy既葡萄園又細，業權又散又亂， 一個園被多個業主擁有，一個酒商又可以同時有幾個園。 先做一個基本了解先。分級係咁既， 最優就係Grand Cru（特級園）,然後permier cru（一級園）, 再黎係village再到Regional(地區級)。

睇下酒標先

4.AOC Régionale (Regional wine)地區級 酒標上標示 : Appellation Bourgogne Contrôlée 。 只要是產自Burgundy的葡萄都可以稱為地區性產酒。

3.Village wine村莊級 酒標上標示 : Appellation+村莊名+Controlee。 地理位置好，產酒條件佳，因長年生產品質出眾的葡萄酒，而被列為村莊級法定產區。 (係，邊個會記得你法國邊條村，所以見唔到大大隻bourgogne/1er gcu/Grand Cru既AOC 你就知道佢係村莊級啦)

2.Premiere Cru (1er Cru) 一級葡萄園 (Vosne Romanee係酒村名，而Aux Brulees係葡園名) 酒標上標示 : Premiere Cru 或1erCru 。 被公認為有獨特風味及優異品質的葡萄園，約占總產量的10%。

1.Grand Cru 特級葡葡園 酒標上標示 :  Grand Cru 佔總產量1.5%不到的最高等級葡萄園，風格獨特品質優異，以葡萄園的名稱來命名。

波爾多(Bordeaux)就一莊一園。 布根地(Burgundy)又村又園，一個莊又多個園喎， 確係複雜既，就了解多少少啦。

1  Montrachet 唔好以為大大隻就一定係品牌名 呢個其實係葡萄園名黎

2.Grand Cru Burgundy分級，最高級既葡萄園啦

3.Domaine Leflaive 見到Domaine / Maison呢D 先係酒商/品牌名。 Domaine既意思係獨立酒莊，有自己既葡萄園， 一開始就講啦，酒商係可以向唔同既葡萄農買葡萄返黎釀， Maison就係向葡萄農買葡萄返黎釀既酒莊。 當然一個酒商亦都可以有好多個葡萄園啦。

而係酒標上見到Le、Les、La、Au、Aux或Clos 後接既絕大部份都係葡萄園。

同一個酒商，有Domaine是用自家葡萄園的葡萄釀制。

同一個酒商，用不同葡萄園的葡萄釀制。 Burgundy 確係比較複雜， 不過又確係好值得探索既， 一步步了解，飲左再講啦~ Cheers~

除左睇完呢D AOC 之外，有時仲會聽到D Premier Cru、Grand Cru、Grand Cru Classe，列級酒莊等等等等既東西。 其實係咩東東呢?如果話AOC係反映”該地風土”為主， 咁呢D乜CRU物CRU就係反映質素（起碼係受喜愛程度）啦

關於波爾多既分級 Grand Cru Classe 列級酒莊

話說係1855年，當時法國要舉行萬國博覽會，拿破崙為了要讓來訪的外賓都能喝到最上等的美酒，他便下令要求波爾多酒商(專門賣酒的商人) 列出波爾多三個最重要的產區(梅多克 (Medoc) 、葛拉夫(Graves) 和 蘇玳 (Sauternes) 產區)中品質最好的酒莊，然後依照名單中各款酒的市面價格來作分類，分成一到五級。這份名單就是法國波爾多列級酒莊的分級體系的由來。

梅多克 (Medoc)區有61個列級名莊，分為5個級別 1.Premiers Grand Cru Classe

2.Deuiemes Grand Cru Classe

3.Troisiemes Grand Cru Classe

4.Quatriemes Grand Cru Classe

5.Cinquiemes Grand Cru Classe

格雷夫 (Graves) 這裏比較友善(不用記太多)，只有Cru Classe( 列級酒莊)沒有再細分級。

不過紅、白都有出產，所以有分開紅白酒既Cru Clasee。

聖愛美隆 (St-Emilion) 分三級， 1.Premier Grand Cru Classe A

2.Premier Grand Cru Classe B

3.Grand Cru Classe

(我必需要說Grand cru  跟 Grand Cru Classe是兩個不同的東西。St-Emilion Grand Cru是一個次產區，St-Emilion Grand Cru Classe 是列級酒莊。)

波美候 (Pomerol) 沒有分級制度(爽)。沒有分級還是得要說兩包，因為Pomerol不乏高質酒莊。 無冕酒王Petrus 和傳奇酒莊Le Pin就是在波美候。

Sauternes-Barsac(蘇玳-巴薩區) 列級酒莊都是白葡萄酒，只分為三個等級。 1. Premier cru Superieur（一級列級）

(只有一個Chateau Yquem–Chateau d’Yquem在此級數，所以……也不需例什麼Crus了吧)

2.Premiers crus（一級酒莊）

3.Deuxiemes crus（二級酒莊）

列級酒係咪就等於好我唔知，但一定比較貴~ 好似MEDOC既分級係1855年定落黎，其間只係升格左一間， 但係咪所有酒莊嘅品質都全然無變過呢？ 我覺得唔係。分級制會有一定既參考作用，但葡萄酒都係講岩口味， 同戀愛一樣要係岩既時候遇到岩既人。 太年輕唔識欣賞既時候俾枝Lafite你都感受唔到/唔足枝酒既內涵。 還是隨意一點，慢慢去感受不同的風味比較有趣。

講起好難明既法國分級制度又要講下。成日見到Bordeaux 既Chateau XX，個Chateau 在法國有它的法定意義，必須是已立案登記的酒莊才能在酒標上用這個字。 酒莊必須符合以下四大條件先可登記使用Chateau 1.必須明確擁有該葡萄園地塊、並有法定依據顯示其所有權。 2.葡萄園範圍內有專屬之釀酒設備。 3.釀酒所使用的葡萄必須來自這個葡萄園，且必須在葡萄園的範圍內完成整個釀造程序。 4.該葡萄園只能有一款酒使用  Chateau 的名稱。

咁久唔久都見到Cru Bourgeois 又係咩東東呢? Cru Bourgeois ，中級酒莊(係指中產階級 並唔係列級下一級所以叫中級) 之前都講過，1855年既分級制度基本上係唔會變， 咁呢D有錢有地又有技術既酒莊唔攪返個又點Show到優質先。 一開始係分三個等級： 1.Crus Bourgeois Exceptionnels 2.Crus Bourgeois Superieurs

3.Crus Bourgeois

咁，咩制度都有受益者同受害者，告黎告去，宜家已經無再細分，只有Crus Bourgeois。年年送檢，夠資格就可以做Crus Bourgeois，所以Crus Bourgeois 質素都係相對有保證既，初飲但又想飲質優D既，可以尋下寶丫.

(Photo from Decanter) 唔知AOC代表乜，係酒標睇到佢知佢係AOC其實都無用。 就輕輕了解下佢啦，不過可能要先了解左產區呢樣野先。 成個波爾多係一個大產區範圍 而波爾多入邊既Haut-Medoc係一個次產區， 而Haut-Medoc入邊既Pauillac產區係村。 有左呢少許區域範圍既概念就入主題啦!

A.O.C  (Appellation d’Origine Contrôlée)  原產地命名控制係法國葡萄酒等級劃分制度既最高級別。 葡萄酒最重視Terroire（風土），相比起品質，呢個制度代表住更重要既就係”該產地出產”既意思，係該產區出既酒係反映出一種風土（格）。

先認識常見有的十二個大AOC產區，波爾多（Bordeaux）、勃根地（Burgundy）、香檳（Champagne）、盧瓦爾河谷（Loire Valley）、汝拉/薩瓦（Jura/Savoie）、 盧瓦河谷（Rhone Valley）、蒲酒萊（Beaujolais）、普羅旺斯（Provence）、朗格多克-露喜龍（Languedoc-Roussillon）、西南產區（South West France）、 科西嘉（Corsica）、阿爾薩斯（Alsace）。

產區之下會再細分次產區、次產區之下再細分係村。 當然分得愈細，所代表既”風土（格）”會愈精細。 就好似亞洲人（黃皮膚）入面既日本人（好有禮貎，守紀律）， 日本入面既東京人（都好忙碌）。 講完，都係要望下D Label 既。 Appellation Bordeaux contrôlée 法國政府擔保呢枝酒係BORDEAUX出既。

細D就係Bordeaux入面既次產區例如Medoc次產區， Appellation Medoc contrôlée

再細D就係次產區入邊既某一條村，例如Margaux村。 Appellation Margaux contrôlée

AOC下一級係VDQS – Vin Delimites de Qualite Superieure（優良地區餐酒）

酒瓶標籤標示 Appellation+產區名+Qualite Superieure。 呢個係升LV到AOC前既觀察級別，表現能夠維持就可以升LV到最高級既AOC級啦

再下一級係VIN DE PAYS  (地區餐酒 )

酒瓶標籤標示 Vin de Pays + 產區名。 地區餐酒的標籤上可以標明產區，並僅限使用該產區內的葡萄汁勾兌。 而係日常餐酒中最好既酒會被升級為地區餐酒。

最下級為 VIN DE TABLE (日常餐酒)

酒瓶標籤標示 Vin de Table 可用不同地區的葡萄汁勾兌而成，但不可用歐共體外國家的葡萄汁。

其實係百佳惠康買既都係AOC 級別既葡萄酒， 要搵D低級D既可能要去法國或者內地先試到啦~哈哈! 提提你，LABEL上一定要見到Appellation XXXX contrôlée先係法國政府擔保既AOC制度。 如果LABEL上有bordeaux 而無Appellation Bordeaux contrôlée，咁其實同呢個法國政府擔單既AOC制度係無關係，信唔信佢係BORDEAUX出就自己諗啦～ 再講多次，其實就算A.O.C級別 都係指原產地(包含地理位置, 品種, 酒精含量以及種植方法等等)得到認證。 而且只能用原產地種植的葡萄釀製。 質素如何，岩唔岩你口味都只有試過先知。 cheers~

好多朋友仔都會問酒標既事。 酒標好簡單，酒標所代表既好複雜。 有看沒有懂，所以都係用港人熟悉既法國波爾多（Bordeaux）做個簡單介紹下先。

1 Mis en bouteille au château 呢個係指係邊個地方裝瓶

(A) Mis en bouteille au château  在酒莊裝瓶

(B) Mis en bouteille à la propriété 在葡萄園的附近範圍

(C) Mis en bouteille au domaine 在葡萄園的大區域

(D) Mis en bouteille par un négociant 在批發商裝瓶

(E) Mis en bouteille dans la region de production 在產區範圍

2 Chateau Margaux 呢個大大隻既係酒莊/酒廠。 當佢係酒既品牌會比較易理解，

3 1988 係指葡萄採收既年份，並唔係上巿既年份。

4 Premier Grand Cru Classe 係酒莊既等級 。 太複雜要下一篇再講。

5 12.5% 酒精既濃度囉

6  75cl 容量 巿面一般見到有呢D容量。 Bottle  75cl Magnum  150cl Double Magnum  300cl Jéroboam  450cl Impériale 600cl

7 Margaux 法定產區。 無限多，有心先再慢慢記。

8 Appellation Margaux Controlee A.O.C  (Appellation d’Origine Contrôlée) ) 原產地命名控制。 又係太復雜，下篇再講。 了解住咁多先，下回再慢慢深入認識～ Cheeers~