分類: 威士忌酒杯

相信大家都會聽過Glencairn威士忌酒杯，佢係由蘇格蘭Glencairn Crystal Ltd開發專用俾威士忌既酒杯。最初設計人就係公司既總經理雷蒙德戴維森(RAYMOND DAVIDSON)，設計既概念同藍圖係源自於蘇格蘭威士忌實驗室所使用既傳統鬱金香形聞香杯，之後經過來自蘇格蘭五間最大既威士忌公司既五位首席調酒師幫助之下，完成左最終設計。

Paul Davidson, managing director, said: “There are specialist glass designs for champagne and brandy but there had never been one for whisky. “

Glencairn Glass既高度約115毫米，容量約175毫升，酒肚最闊既位置約為50 ml (大約1.7盎司)，可以令威士忌香氣穩揮發出黎。不過有一個缺點，使用時同鬱金香杯一樣會有酒精味過重問題，需要搖晃一下隻杯味道先會令到香氣再次揮氣。

Glencairn Glass 係蘇格蘭威士忌協會認可第一種既威士忌聞香杯，之後更被所有蘇格蘭和愛爾蘭威士忌公司使用。

2006年BBC對Glencairn Glass 拎女王創新獎既報導: http://news.bbc.co.uk/2/hi/uk_news/scotland/glasgow_and_west/4927354.stm

相信好多讀者近期都會見到好多波波杯既蹤影，無論去到咩酒展都會見到人用佢黎品飲威士忌，大家又知唔知佢既背景同波波杯適合咩類型既酒?

係2016年， Angus MacRaild 同THE WHISKY EXCHANGE (SPECIALTY DRINKS) 合作一齊還原製作左一款1920年代調和師使用既威士忌杯，依隻杯有一個好特別既洋蔥形狀，同一般鬱金香形大大不同，相對GLENCAIRN GLASS酒肚位置闊多一倍，而杯口位置就更會窄口，明顯令香氣更為集中同鎖係杯入面，而真正既1920年代既威士忌杯據聞就只可以係史書到睇得番啦，

據MacRaild大師所講，波波杯非常之合適品飲低ABV同較複雜既威士忌，相反，高ABV既CASK STRENGTH就未必合適啦!

不過飲威就個個人唔同，大師點都係假，自己岩飲先最緊要。

小編: 都幾贊同大師講，品飲酒精度低，細緻度高既酒，所以老酒，高年分酒同OB都好合適。香氣會更加被放大而且層次更分明更細緻，令到整個品飲過程有更多體會。

咁如果係CASK STRENGTH又會點呢? 酒精既味道亦都會被放大，俾我既感覺係香氣會有D凌亂，但如果將酒杯閒置一段時間，酒精揮發左之後，波波杯依然會俾到你一種最新既體驗，尚算唔錯。之後小編再試左一D較重口味既酒，e.g. 泥煤怪獸，得到既結果唔太好，氣味放得太大，令到整體感覺失去平衝。

雖然品飲方面有非常大既驚喜，但依然有小小缺點，

1. 杯肚太闊，清潔都幾麻煩，一般杯刷都刷唔到 (只好自製)

2. 杯太大隻，帶去酒展飲會好麻煩，如果有縮小版本就好啦!