分類: 新手入門

威士忌係咪存愈耐愈好 ? 定都係有保質期 ?

威士忌裝瓶之後，就不再有桶中熟成培養的效果，開瓶前係極接近完全密封狀態，雖然每年會有約0.3毫升的空氣進出，但氧化既速度都好難令人感受得到。保質黎講啦喎，真係你死佢都未死呀。之但係，都要keep得好先係咁講。 要注意的有4點 :

1.光線

紫外光會漂白酒體顏色，更會引起酒體中的酯類物質產生化學變化，影響風味。除了酒質也會使酒標褪色。需避光而存，例如酒窖、櫥櫃、盒子或黑暗的儲藏室。威士忌一般都有外盒包裝，放係原裝盒度就無問題啦。不過明既，難得有心頭好，唔擺出黎晒下又係心癢難耐既。要放出黎可考慮將佢放在帶有防紫外線塗層的窗戶後面。

2.溫度

盡量將威士忌存放在溫度涼爽和穩定的地方。高溫會導致酒液揮發，造成浪費。而揮發出來的酒液會附著在軟木塞上，酒塞長期和高酒精度的酒液接觸，會損壞腐爛，降低酒瓶的密封性，即使未到腐壞的程度，軟木塞的味道也會隨之進入酒液，影響風味。放在冷藏櫃並不會為威士忌帶來傷害，但從冷藏櫃直接取出威士忌品嚐，會減少其芳香與味道，嚐起來很乏味。最適的儲存溫度約在15-20度間，但縱使是香港或台灣這些溫度長年2、30度的地方，放在家中陰涼地方亦不會有什麼變化。

3.濕度

濕度對密封的威士忌沒有太大影響，反而濕度過高會容易使酒標發霉。

而過濕亦有機會導致軟木塞發霉，影響封密性或酒液跟酒塞接觸而影響風味。

濕度太低則可能會使酒塞乾列裂，開瓶時容易斷裂。一個月一次把酒樽倒轉一下，讓酒塞沾點水氣即可。

4.直放

威士忌酒精度高，如橫放，酒塞長期和高酒精度的酒液接觸，會損壞腐爛，降低酒瓶的密封性。而軟木塞的味道也會進入酒液，影響風味。

開瓶後的存放 :

威士忌是一種經過蒸餾後得到的高濃度酒精飲料，裝瓶後就不會有變化了，

在儲存方面，總括而言就是直立存放在陰涼、避光的地方，遠離任何熱源或光源。

而開瓶前後的分別在於氧化作用。開瓶前是極接近完全密封狀態，開瓶後則看你喝酒的速度了。氧化速度的關鍵在於體積，瓶內酒液愈少，空間愈多，空氣量愈多，氧化速度愈快。

威士忌中的酒精比水輕，更易揮發。而較短鏈的酯也很易揮發，這些脂類和醇類正是我們威士忌中許多果味和香氣的來源，隨著威士忌中帶有香氣的這些脂類和醇類的流失，“氧化”的威士忌喝起來就更平淡乏味了。

另外，乙醇還有吸水性，除了揮發，瓶內的乙醇還會從頂部的空氣中吸附水分，瓶中的酒精度會持續下降，每次倒酒也會更「水」一些。

所以除了直立、避光避熱而存，我們要思考的是如何降低氧化的速度。

1.保持密封。如果原來的軟木塞已經不夠密封，我們可以購買一個可以形成氣密密封的瓶蓋（例如 Polyseal 瓶蓋）或將威士忌轉移到密封的玻璃容器中。

2.轉移到醒酒器，重點仍然是密封。

3.轉移到更細小的玻璃容器，要求同樣是密封。

更小的容器，更小的空間，則更少的氧氣，氧化速度當然會大大地減慢。

除了直立、避光避熱而存外既小密技 – Parafilm(封口膜)&保鮮紙。

Parafilm 有透氣同唔透氣兩種，我們當然係要唔透氣果種，務求獲得最大的液密性和氣密性，減少蒸發(Angel share)同氧化作用。

前面都講過，氧氣隨時間除了對酒質帶來損害，也會讓酒標褪色，過濕也易引起發霉，長久珍藏的，可以用保鮮紙包裹酒標，咁發霉變色既機會就細得多啦，Cheers~

「又搖又聞咁，陣間又話蘋果又話橡木，扮晒野咁，飲你就飲啦。」 又岩 ! 最終都係要落肚既，品嚐威士忌確係無規則既，有人鍾意「乾」，然後就牛飲， 有人就鍾意「扮晒蟹」，又聞下又嗒下咁。開心舒服就好，無論係邊一派都互相尊重既。

如上篇提過，學「品飲」都係學「共同語言」姐，方便大家溝通交流，Joy shared is doubled。語文係有文法既，品飲都有步驟，又睇下丫。 事前準備 一個安靜既環境。 (當然呢個係個人習慣，只要可以專心就好，唔通你已經去到忘我境界，係現場睇世界杯都可以心如止水又要話我知咩。) 香氣係威士忌品鑑中係極重要因素，所以一個沒有強烈氣味的環境係十分重要既。

留意返，自己身上既香水、洗手既洗手液、消毒搓手液甚至清潔枱面既清潔劑殘留既氣味。 唔係既話你聞香既時候就可能無啦啦多左D士多啤梨蘋果橙味出黎架啦。

水。啜飲之間用黎清潔口腔。 白麵包、蘇打餅。可以清味蕾。 以上都係精益求精姐，講到品飲啦喎，打甂爐咁，無個爐點打呀? 無杯，點飲呀? 杯既類型對香氣同口感絕對有影響。杯身太寛，威士忌氧化速度過快，入口的香氣容易只剩一瞬間。杯口或杯頸過寛，香氣散得太快。杯壁過厚，口感唔舒適，且無法以掌溫熱威士忌。太薄，則很容易破裂。 呢個時候，介紹返，由新手到大師都用緊既格蘭凱恩杯（Glencairn）。

呢隻杯，底座堅實，容易握取。寬型杯腹能釋放威士忌的香氣，如鬱金香般收緊的杯口則能讓香氣集中，同時又有保有合適的寛度方便啜飲。掂! 準備功夫就完勒，黎啦喎。 先倒入約15ml的分量到杯中。將酒杯舉至靠近鼻子，慢慢接近，直至聞到威士忌的香氣。 (唔好一下擺太近，又唔好將個鼻插入杯中，強烈既酒精感可能會讓你很難受。)

宜家閉起眼晴，輕輕聞下，諗到咩? 梨?提子乾?西莓?咖啡?奶油?雲呢拿?蛋糕? 定係諗到醫院、BBQ? 無錯勒，呢D就係傳說中既「泥煤」風味啦。 放下杯子，稍稍停頓，再來一次。 有無多左D咩?朱古?木? 細緻既麥香，聯想到麥田園? 嗯，叻 ! 如果無聯想出太多，甚至是一個都想象唔到，唔駛心急，唔駛氣餒， 循著上篇講既八大氣味分類，慢慢尋找，一次生兩次熟，練習下就搵到架啦。 同朋友一齊飲果陣，係咪好奇怪點解朋友講左咁多，自己又唔覺有。其實又唔駛太訝異。

因為嗅聞時，大腦會拆解香氣分子並於腦中的數據庫跟我們曾經接觸過的香氣作對比，假如有些氣味你不曾接觸過，你當然唔知佢係點架啦。而每個人的靈敏度，對不同東西的敏感度都不一樣，所以，同一款酒，唔同既人會講出唔同既香氣係不足為奇既。 好勒，聞香過後梗係要嗒返啖。威士忌的酒精度不低於40%，初接觸係會感覺比較辛口既。 輕輕的啜飲一口，閉上嘴唇，稍待一秒，讓酒液慢慢流過舌面。

感受到咩?比水重的東西，有點油膩，很辣，很啃，有點灼熱感吧。呢個就係口感。 跟聞香時香氣有無咩變化呢?定都係一樣?係麵包、曲奇、糖果、樹林?呢啲就係口香。 吞下喉嚨後，有啲灼熱感，口入面仲有無咩香氣呢?也許是甘草?雲呢拿?嗯，唔好心急飲第二啖，好好感受，呢啲就係餘韻。 好啦，威士忌品飲之旅已經遊歷左一次，每次品飲都係一個旅程。

下次我地再講下威士忌有咩飲法或者品飲小技巧丫，cheers !

飲就係人都識，講到品，就有少少要求啦。 所謂品飲，其實都係有系地「感受」，大家同同一套語言去表述、交流。 茶如是、啡如是、酒亦如是。 品飲離唔開觀察、聞香、品嚐，感受餘韻。 只係每種飲品既「語言」唔一樣，只要有了共同語言就能隨心所欲的跟酒友把酒言。

品飲4步曲 :

觀察 (Observe): 主要係睇顏色。顏色唔影響味道，但會透露一d hints，按不同的木桶或陳年時間，木桶會賦與威士忌不同的酒色，單純的以時間來說，未經陳年培養的新酒會是白色，而十五年以上的會呈現虎珀色。放進美國波本桶陳年的威士忌會呈金黃色，而放進西班牙雪莉桶陳年的威士忌顏色呈深琥珀色。 有D國家係容許用焦糖著色，所以睇顏色，只係一個參考，並唔絕對。 當然，除左話透露出一d 酒既資訊之外，都可以單純直觀地睇下酒色靚唔靚既， 有時燈光下睇住金黃色既液體，閃令令咁，確係好吸引既。

聞香(Nose)： 輕輕聞一下，大腦會拆解香氣分子並於腦中的數據庫跟我們曾經接觸過的香氣作對比，再敘述出聯想到的香氣。我地可以從以下十種風味作出聯想 : 果類、花香、穀物、硫味、香草、堅果、霉味、木質、辛香、煙燻。 口感

（Taste）： 甜酸苦咸鮮呢D味覺形容就基本啦，同時可以試下感受重量，係好似濃湯那般厚重還是如水般輕薄。仲有就係觸感方面，係光滑、圓潤、辛辣或是有油蠟感等。當然唔少得口香，就是酒液在口中時，你感受到既香氣。

尾韻/餘韻（Finish/After Taste）： 口中香氣的延續及後續變化，強弱度和停留時間既長短。

總結（Common）： 綜合上述既要點，總結出一個整體感受的結論。 舉Glenfarclas 25作例子

Glenfarclas 25 年的香氣複雜而誘人，有柑橘果醬、蜂蜜、即磨咖啡及堅果香。入口比香氣更飽滿，雪莉酒香及木桶氣息互相平衡，恰到好處，濃郁悠長的收結帶有麥芽及黑朱古力味。 呢D就係我地品飲威士忌既要素，酒友間既「共同語言」。

好，呢篇俾新手酒友一個概念，品飲個標準係咩，下一篇我地再講品飲既步驟。 開始可能會有D難，但係一次生兩次熟，三次好舒服。 稍加練習，再遇到飲威場口就唔會口啞啞，爭係識答好飲唔好飲啦，cheers!

新手入門的時候總會遇上一個問題，一堆single Malt / Blended malt / Single grain ….. 到底是怎麼分辨的呢? 這其實是關於威士忌的源料，我們都知道威士忌的源料是穀物，但穀物也是有很多種的，最為人熟知的當然是大麥，除此以外，常見的還有小麥、祼麥和玉米等。 以下將遂一說明 :

「麥芽威士忌」(Malt Whisky) : 全部用麥芽為源料的威士忌。

「穀物威士忌」(Grain Whisky) : 由最少一種除麥芽以外的其他穀物例如小麥、祼麥、玉米等發酵精餾而成的威士忌。

「單一純麥威士忌」(Single Malt) Whisky) : 用麥芽發酵，在單獨一間蒸餾廠蒸餾成的威士忌。(Single所指是酒廠，可以是不同批次、不同桶的威士忌調和而成。)

「單一穀物威士忌」(Single Grain Whisky) :在單獨一間蒸餾廠蒸餾，其中須至少有部分使用穀粒，例如小麥或玉米。

「調和麥芽威士忌」(Blended Malt Whisky): 以兩種以上單一麥芽威士忌(不同蒸餾廠)進行調和的威士忌。

「調和穀物威士忌」(Blended Grain Whisky)以兩種以上單一穀物威士忌(不同蒸餾廠)進行調和的威士忌。

「調和威士忌」(Blended Whisky) : 以一種以上的單一麥芽威士忌與一種以上的單一穀物威士忌進行調和的威士忌。

「單桶原酒」(Single Cask) : 就真的指從單一酒桶出來裝瓶的威士忌。

「原桶強度」(Cask Strength) :不加水稀釋，直接裝瓶，可以單桶，也可以不同桶，只要沒有經過加水稀釋就是。

好了，分類就先說到這，

Cheers ~

酒 ，即係「乙醇(酒精)含量高於0.5%的飲料」。 按產製方式，約可分成三大類 : 釀製酒、蒸餾酒與合成酒，而威士忌就係蒸餾酒既其中一種。

釀製酒

酒精濃度少於20%，以糖質或澱粉質為原料，利用微生物進行酒精發酵。

其中又分為單式同複式發酵。 單式發酵 : 原物料的主成分為糖類如水果，可直接由微生物發酵轉換成酒精。 例如葡萄酒及各式水果酒等。

複式發酵:原料為含有高量澱粉的穀類，微生物無法直接利用發酵轉換成酒精，需先糖化 – 藉酵素幫忙，把大分子的澱粉，分解成小分子的葡萄糖或果糖，同時間利用分解後的糖進行酒化作用換成酒精，糖化與酒化作用並行既，稱為複式發酵。 如清酒、花雕、小米酒等。

蒸餾酒

係將釀造酒透過蒸餾的技術而得，可將釀製酒的酒精濃度提高至20%以上。

較為人知的酒類如米酒、高梁、伏特加(Vodka)、龍舌蘭Tequila)、琴酒(Gin)、白蘭地(Brandy)與威士忌(Whisky)等，酒精濃度多在20-68%。

合成酒

又稱調和酒、再製酒或浸泡酒。主要是用高濃度酒精的酒(米酒、高粱或伏特加等)，透過長時間浸泡，萃取原料的顏色、成分及香氣而成。如最簡易最為人熟知的浸泡梅子酒即屬此類。

酒類講完，係時候入返正題，講返屬於蒸餾酒既威士忌。

雖然各國規則略有不同，但大抵是「以水及發芽大麥或其他全穀物為原料，並且在蒸餾廠內製作成穀物糊，再以天然酵素糖化穀物糊，而後添加酵母菌進行發酵，得出酒精後再蒸餾出更高濃度的酒精，再經過桶陳增加風味及/或加水稀釋的烈性(40%以上)酒精飲品。

威士忌既香氣來自兩方面，一係黎自蒸餾酒液，一係黎自木桶。 係蒸餾酒液方面既香氣，例如有穀物類的麥芽，玉米，花果香類，堅果類、辛香類、煙燻，甚或是糖果、蜂蜜等。而木桶方面則有木香、香草、椰子、皮革、焦糖、煙燻等。

一個類別可能有十多種香氣。這些香氣，因穀物、發酵方式和蒸餾方法的不同而生出不同變化。不同種類的木桶，或烘烤程，或容量大細，又或陳年時間的長短都會帶來不一樣的風味組合，可以甜美可以辛辣。清新舒適又有，泥煤煙燻嗆喉既又有，真係有辣有唔辣，任君選擇。 所以我地學品酒，都係學識酒有唔同既風味，欣賞、感受當中既韻味， 下篇我地再睇下點品飲丫

Cheers~