強烈杏脯香主導，伴帶著蜜糖，橙，花，梨香。sweet,oily,酸度不錯，。 吃一口cheese cake，甜度匹配，先是酒的花與杏脯香，緊接著變成香橙蛋糕，
最後剩下淡淡蛋香，幸福滿載。 是童話喔! 配偏creamy的芝士也十分合襯，酒乳交融。 creamy口感變得更creamy，感受芝士係口中融化， 芝士香再慢慢滲返出黎，Perfetto !
____________________________________________
好物推介時間適量飲酒 | 酒會必備 |解酒丸
飲前兩粒，幫助分解酒精，維持肝臟健康。
入返promotion code : cheershy15 有15% off
Wine : Paolo Pizzorni Oroluce Moscato d’Asti 2016 強烈既荔枝香，伴帶住丁點玫瑰、薑既氣味，聞到都甜。 入口當然係甜啦，呢枝好既地方就係酸度都足夠，平衡返，唔會膩。 飲完個口好似飲完菊蜜一樣咁香甜 咁香甜，配咩先? 係，Tittle都寫左，配冬陰公。
杯麵?! 確係連我自己都覺得有少少過份，咁但係無得開爐又想玩野都只有咁樣啦。 唔好講笑，好好玩。 食物落口一刻，係辣既。酒入口果下既甜真係沖淡左冬陰公既辣既。 中和左既味道過左之後， 啲辣味返返出黎，好似係條脷度跳舞彈彈下咁。 好有趣~ 果種感覺就如同睇戲既畫面，大軍出陣既一刻既膨湃感覺， 然後排兵布陣，一切都靜止落黎。再下一秒，衝呀!!! 抑揚頓挫，要擁有必先懂失去~爽!
D人成日話Moscato 唔係酒/女人飲， 睇場合心情架姐，識配，一樣可以好有趣。 Cheers~
Wine : Domenico Fraccaroli Amarone 2011 深紅寶石色。成熟的水果、葡葡乾、無花果、藥草和煙絲等。 口感濃郁圓潤，一直保有微甜的感覺。 15.5%的酒精被隱藏的無影無蹤，單寧量足而細膩， 尾韻長而帶有點微微的辛辣感。 唔熟識酒既朋友仔可能唔知咩係Amarone，隨口講個重點有個概念就算啦。 佢係用風乾葡萄釀制，大概風乾3-4個月。咩意思呢? 無晒水份既野風味就濃縮啦，當中包括糖份。 糖份高，釀出黎既酒就自不然甜度同/或酒精度高啦。 配咩呢? 蜜汁豬肉乾!
我無寫錯你無諗錯，堅係佢呀~ 講到風乾3-4個月咁巴閉又走去配豬肉乾喎。 拿拿拿，又唔好講粗口住。 配野食既事係講夾唔夾，唔係講貴唔貴既。 AMARONE 風味濃郁，你話拎去配野味、 黑椒牛仔骨 、牛腩煲咁實得格。 不過咁，呢款酒有微甜口感，起始既甜味，配合蜜汁豬肉乾既甜味， 後來既濃郁”風乾”STYLE襯返豬肉乾 果陣少少燶既野味 ，真係天造地設既一對。 高貴既Amarone配合望上去Cheap Cheap既豬肉乾。 係愛呀，哈利!
____________________________________________
好物推介時間適量飲酒 | 酒會必備 |解酒丸
飲前兩粒，幫助分解酒精，維持肝臟健康。
入返promotion code : cheershy15 有15% off
Wine : La Valle – Franciacorta Primum Brut NV 淡金色。很香很舒服。 檸檬、酵母、烤餅乾、蘋果、杏和礦物等香氣。 酸度出色，複雜度良好，清爽。 配芝士已經正，配蝦，不得了！ 隻蝦係口中翻生呀！ 據食左鰻魚既朋友所講，佢感覺到十條鰻魚係口中游黎游去呀~ 有無咁誇就要自己試過先知勒 氣泡酒配海鮮一向都夾既， 氣泡酒一般都係酸爽既，更帶出鮮味啦。 而氣泡既感覺令到海鮮好似係口中躍動一樣。 更特別既係La Valle呢個莊， 葡萄園既地方係地殼變動，由海底升上黎，堅係有海洋生物化石。
配海鮮，邊有得輸呀~ Cheers~
___________________________________________
好物推介時間適量飲酒 | 酒會必備 |解酒丸
飲前兩粒，幫助分解酒精，維持肝臟健康。
入返promotion code : cheershy15 有15% off
Wine : Casto Pequeno Cotoval Tempranillo 2008
濃烈紅寶石色。 成熟的黑色水果，香草、朱古力、Spicy、煙熏橡木香。 豐味濃郁。酒體頗厚。 百令蚊實在係抵飲。 呢次配煙鴨胸，本來酒既煙熏、Spicy，配返鴨胸既煙熏香， Tempranillo既單寧配返鴨胸既油脂， 非常合襯，酒液過後，滿口Smoky味，正!
Food Pairing其中一個玩法就係咁囉， 同類既相襯，將效果放大。 酒既煙熏木桶配返鴨胸既煙熏香。 唔講以為自己係度玩緊營火燒烤呀~
Cheers~
Wine : Az Agr. Di Lambardi Rosso Di Montalcino 2014
配薯片?唔係掛? 就係~
櫻桃、黑莓的香氣，伴帶著隱約的花香和甘草香。 入口微微的甘甜，接著轉換成一陣高酸再在不自覺的時候轉到微微的甘苦。 中等結構，單寧輕柔。 這款RdM確實不錯，但這樣卻相對平淡了點， 亮點在於配搭蕃茄味的食物! 入口的甜度提升了，然後酸度被拉下來，變得很柔和，整個口感是creamy!! 有甜又酸的奶泡滑過舌頭，最後一點點甘苦，絕配!
配搭意大利粉/pizza (反正有蕃茄風味的東西)，無敵!! 所謂地區酒配地區食物嘛~ 配麥當勞既茄汁得唔得? 一樣得。 唔多飲酒既朋友， 我通常都會用呢款酒配蕃茄風味食物(茄汁/薯片)去毒佢， 一來酒相對易入口， 二來茄汁風味食物好似M記茄汁/薯片易攪丫嘛。 三來最重要一點，效果顯著，試一啖就完全明白Food Pairing既精髓。 曾經我對一位英語老師提過薯片/杯麵都可以配酒， 她滿是不屑。 世界是寬廣的，葡萄酒是用來享受的。 如果你認為，酒必需配上一頓豐盛的晚餐， 那你失去的，必然比你得到的更多。 一杯紅酒配電影~🎤 搭些零嘴，悠悠閒地過一個下午~ 不奢華，但奢侈。 Cheers~
__________________________________________
好物推介時間適量飲酒 | 酒會必備 |解酒丸
飲前兩粒，幫助分解酒精，維持肝臟健康。
入返promotion code : cheershy15 有15% off
講到Food Pairing，可能好多人腦海第一樣浮現都係紅酒加牛排。 自古以來，”紅酒配紅肉，白酒配白肉。”真係?
吃法千百種，口味各不同。 岩自己口味既就係配得好，並無絕對準則。 紅配紅，白配白，呢個我唔可以話錯，但低層次囉。 掌握到特性，配杯麵、薯片一樣出色。 世界是寛廣的，驚喜，必需自己發現。
Food Pairing配得好，1+1>2既法國人叫Marriage。 一D都無誇張， 早幾日小弟就有一次咁既經歷。 當晚飲 Fürst Löwenstein Homburg Silvaner Trocken 2011， 配合蟹肉多士，多士當然本身係好食既，酒亦都係好飲既。 兩者配合之後，當酒液滑入喉嚨，一陣輕淡的蟹肉味道在口腔散發， 不濃不淡，久久不散，嘩，精彩！
Food Pairing無絕對，但要不係相輔相承，濃味既酒配濃味既菜 ; 清淡既酒配清淡既菜;要不就反差甜既酒配辣既菜。
雖然每枝酒都唔同，但紅、白、Rose、氣泡定甜酒。 基本都係甜酸苦架姐。 以比例黎講， 紅酒 : 單寧重 ，最多肯定係苦味和有收斂性，酸度之後再到甜度。 白酒、Rose、氣泡 :酸度第一、之後就甜、最後先係苦。 甜酒 : 甜最多、酸第二、苦第三啦
食物既味道係會影響枝酒既酒體、甜度、酸度同果味架喎
食物中的酸味 增加酒既body 、甜度、果味 減低酒既酸度
食物中的甜味 增加苦、酸、酒精既灼熱感 減低BODY、甜味、果味
食物中的苦味 增加酒既苦味
食物中的咸味 增加酒既BODY 減低酸、苦
食物中的辣味 增加酒既苦、酸、酒精既灼熱感 減低BODY、甜度及果味
食物中的鮮味 增加酒既苦、酸、酒精既灼熱感 減低BODY、甜度及果味
始終都係睇口味既野，書係咁講,但真實配搭都真係無絕對.開初可以要跟,有功力之後就真係睇自己聯想力，經常會有新發現，呢個都係葡萄酒魅力之一。
__________________________________________
好物推介時間適量飲酒 | 酒會必備 |解酒丸
飲前兩粒，幫助分解酒精，維持肝臟健康。
入返promotion code : cheershy15 有15% off